Samsung India-ah Galaxy Fold tlangzarh dawn

Samsung chuan mihring tamna India-ah inbenbel zel an tum a, Galaxy smarthphone thlehtheih tlangzarh a ni dawn tih an puang leh ta. South Korean company hian tun hnai khan an model chhuanvawr Galaxy S10, S10+ leh S10e te chu India-ah an lo tlangzarh tawh bawk a ni.

Smartphone siam chhuaktu lar Samsung hian tun hnai khan thuthar hi an nei a, India-ah Galaxy Fold tlangzarh a ni dawn tih an tarlang. Tlangzarh hun tur erawh hriat theih mai a la ni lova, rei tak nghah erawh a ngaih a rinawm loh. Samsung mobile chief DJ Koh chuan Galaxy Fold tlagzarh tur thu hi Nilaini khan a puang a, a hun tur tak erawh a la sawi chiang bik lo a ni.

Galaxy Fold hi a changkang dawn rem rem hle a, tunlai hmanraw ṭha ber ber hmanga thuam a ni dawn. A man pawh a tlawm vak dawn lo - Rs 1,40,000 vel ni turah ngaih a ni. RAM - 12GB niin, a battery pawh 4,380mAh a ni dawn a, a hman tlak viau dawn a ni.

Samsung hian Galaxy Fold rual hian Galaxy S10 5G pawh India-ah tlangzarh nghal an tum a, hman an la mek a ni.