'Pathian Hmangaihna' album a ngaihnawm dawn

Pathian fakna hla dah-khawmna 'Pathian Hmangaihna' album chu Inrinni hian tlangzarh a ni dawn.

'Pathian Hmangaihna' hi music video album a ni a, hla 16 awmin heng hlate hi Fela, Durtlang Leitan phuah vek a ni nghe nghe a, belhchian a dawl hle turah ngai ang. Recording, music leh video chu uluk taka siam vek niin zaithiam aw thawhtute pawh an ṭha hle a, tunlai Mizo Gospel singer lar ber berte zai ngaihthlak tur a awm dawn a ni.

Pendrive album tur a ni dawn a, pakhat Rs 500 zela hralh chhuah tur a ni ang. He album-ah hian Ṭhazual Gospel chart-a pakhatna ni mek Maruati, Cindy Lalthanpuii, Zorinsanga Sailo, Amtea leh Arini te music video pawh a awm dawn a ni.

Cindy Lalthanpuii, Zorin-sanga Sailo leh Arini-te music video, kum khat liam ta vela tihchhuah tawh 'Nunna Thar' pawh kha he album-a mi hi a ni nghe nghe a, chuvang chuan he album-a hlate hi a mawi hle hlawm ang tih a rinawm.