Lelte Award April 27 zanah sem leh dawn
Zo rimawi khawvela award hlun leh ngaihhlut ber te zinga mi, Lelte Award chu April 27 zan khian Vanapa Hall-ah sem a ni leh dawn ta.
Lelte Award vawi 28-na (28th Mizoram Music Award) hi Inrinni zan dar 8:00-ah sem a ni dawn a, award dawng thei tura chhawpchhuah te hming pawh puanzar a ni tawh. Nominee te hi tunlaia zaithiam kan neih ṭhat ber ber te an ni hlawm a, boruak pawh a hot leh viau dawn a ni.
Kuminah hian Music Award chi hrang 18 bakah, mi 10 hnenah Special Award hlan a ni ang. Hetih lai hian kum 10 chhung zet lo sem tawh Chibil Award erawh tun tum hian sem a ni dawn lo thung.
Lelte Award Nominations & Organising Committee chairman C. Lalthanzauva kaihhruaina hnuaiah Award Committee member 17 awmna din a ni a, category tinah chawimawina dawng thei tur mi pathum chhawpchhuah an ni. Heta ṭang hian la thlitfim leh tur a ni dawn a, April 27 zanah winner puan a ni ang.
Category hrang hranga nominee te :
Singer of the Year (Male)
• Israel Lalbiakrema
• ThangromawiaThomte
• Kimkima
Singer of the Year (Female)
• Lalenkawli Pautu
• Zorinzuali Khiangte
• Rachael Lalnunkimi
Gospel Singer of the Year (Male)
• Andrew Laltlankima
• C.Vanlalmalsawma (Sawmtea)
• TBC Zaithanpuia
Gospel Singer of the Year (Female)
• Lalduhsaki
• Stacy V.L Muanpuii
• Hlimhlimi
New Artist of the Year (Lengzem/Lenglawng)
• C.Lalzahngoa
• Ticos Dara
• Teddy Sailo
New Artist of the Year (Gospel)
• Melody Lalzirliani
• H. Lalremruati (Mâmi)
• Andrew K. Lalchhandama
Song of the Year
• Hlimhlimi - Ṭhian rinawm
• Synod Choir - Min hruai ṭhin
• Kim Kima – I zun ngaih lenglen vangin
Choir of the Year
• M Choir
• TBZ Choir
• Synod Choir
Best Group/Duo of the Year (Audio/Visual)
• One in Christ
• Vohbik
• Chaltlang Branch YMA
Traditional Singer of the Year
• Lalbiakhluni Colney
• Marina V Varte
• H.Vanlalhlana
Music Video of the Year (Lengzem/Lenglawng)
• Rachel Lalnunkimi – Mâi a lum e
• Matilda - Thinlung hliam
• Feli Fanai – Tuman an tluk lo
Music Video of the Year (Gospel)
• Melody Lalzirmawii – Ka rinchhan
• Andrew Laltlankima – Lo hnai ang che
• Vanlalsailova – Thinlung a thlîr zawk ṭhin e
Song Writer of the Year
• John Mawitea & Mapuii Fanai
• PL Engmawia
• Kima Chhangte
Band of the Year
• Jeff and Empty
• Reverse Tragedy
• Avora Records
Musician of the Year
• Lal K Sailo
• Thangbawiha
• Kima Chhangte
Entertainer of the Year
• Adama & Hruaia
• Mizo Dance Camp
• C. Zosangzuala (Thangthuama)
Lifetime Achievement Award
• David Rualthankhuma
Young Achiever of the Year
• Jeremy Lalrinnunga (Weightlifter)
Article/Reporter/Writer of the Year
• C.T Lalrinawma