BBC leh Discovery ten £mtd 300 hu inremna ziak
British Broadcasting Corporation (BBC) leh Discovery Channel te chuan natural history programme atan April 1 khan inremna an ziak. An inremna hlut zawng hi £mtd 300 zet a ni a, kum 10 chhung atan a ni ang.
BBC leh Discovery Channel te hian channel thar an tichhuak dawn a, natural history lam an thlur bing dawn. BBC natural history show chu Discovery-ah tih chhuah a ni dawn a, kumin chhungin tichhuah hman beisei a ni. He channel hi - UK, Ireland leh China tih loh ram dang zawngah chuan a en theih vek dawn a, Netflix-ah tichhuah a ni dawn bawk.
BBC director general Tony Hall chuan, "BBC chanchina inremna lian leh pawimawh berte zinga mi a ni a, kan ngaihlu tak zet a ni," tiin a sawi. BBC leh Discovery te hi film siam kawngah pawh an thawkdun dawn nia tarlan a ni.