May-ah Ashley Tisdale album thar

American singer Ashley Tisdale chuan a album thar chhuah hun tur a puang chiang ta a, May 3-ah release a ni ang. A album hi 'Symptoms' tih a ni dawn a, a studio album pathumna tur a ni.

'High School Musical' star hian nikum khan Big Noise label te nen inremna an siam thu a lo puang tawh a, album pawh tihchhuah a tum thu a sawi. A album atan hian Goldfinger frontman John Feldmann a thawhpui a, ani hi Ashley Simpson leh Hilary Duff te nen pawh lo thawkho tawh an ni.

Ashley Tisdale hian John Feldmann a thawhpui thu leh album tihchhuah a tum thu a lo puang tawh a, a tak ram a chang dawn ta a ni. Symptoms hi 2009 hnua a album hmasa ber tur a nih dawn avangin a hlu zual dawn hle a ni.

'He Said She Said' singer hian a album-a hla tur pakhat 'Love Me & Let Me Go' chu January thla khan a lo tichhuak tawh a ni.