WhatsApp Group-ah duh duh Add theih tawh dawn loh!

Tun lai inbiak pawhna hman­raw lar ber pakhat WhatsApp chuan feature thar an siam leh ta a, group-a midang add dawnin an remtihna a ngai zel tawh dawn. WhatsApp hian nimin khan privacy setting thar hman a nih tur thu hi an puang a, hei hi information dik lo tam lutuk venna tura hmalakna a nih thu an tarlang bawk.

Tuna kan hman mekah hi chuan WhatsApp group-ah an remtihna la hmasa loin midang kan add thei a, feature tharah chuan an remtihna lak hmasak a ngai tawh dawn thung a ni. Group-a kan add duhten message an dawng hmasa tawh dawn a, an confirm duh leh duh lohah a innghat tawh dawn a ni. WhatsApp hmangtute chuan an duh angin settings an tidangam thei dawn bawk.

Company lam chuan hei hi India sorkar ngenna anga ti an nih thu an sawi a, thudik lo darh avanga pawikhawihna thleng ṭhin venna tur pakhat a ni. Hei hi India-ah hman phawt a ni dawn a, khawvel hmun dangah pawh hman chhoh nghal a ni ang. WhatsApp erawh update a ngai dawn a ni.

WhatsApp hian nikum khan India sorkar ngenna angin message reng reng ṭum khatah mi panga aia tam forword theih lohin a lo siam tawh bawk a ni. Hei hi India ram hmun hrang hrangah social media kaltlanga thudik lo leh belhchian dawl lo darh avanga pawikhawihna leh inrikrapna thleng ṭhin avanga, a venna tura hmalakna a ni.