Rajasthan-ah MiG 27 aircraft a tla

Indian Air Force fighter plane, MiG 27 chu nimin khan routine mission a neih laiin Rajasthan-a Jodhpur-ah a tla. 

MiG 27 UPG aircraft hi Johdpur aṭanga a thlawhchhuah hnuah, Sheoganj bula Godana-ah chhun dar 11:45 khan a tla a, mahse vanneihthlak takin pilot chu a him a ni. Police-te chuan thlawhtheihna tlakna hmun hi an pan nghal a ni. A chetsual chhan hi chhui chian nghal a ni ang.

IAF officer chuan pilot hian a seat aṭanga a inkhawhchhuah hma lawk hian khawl lama harsatna a awm thu a sawi niin a tarlang. 

Thla hmasa khan Rajasthan-a Pokhran range bulah MiG-27 chu training mission a neih laiin a tla a, nikum September thla khan Jodhpur district-a Deolia Kalan khuaah MiG-27 hi a lo tla tawh bawk a ni.