Article 370 ṭhiah chuan J&K-Centre inzawmna tihchah a ni ang : Mufti

Jammu and Kashmir Chief Minister hlui leh People's Democratic Party (PDP) president Mehbooba Mufti-i chuan an state tana special status pek, Constitutinal Article 370 chu ṭhiah a nih chuan an state leh centre inzawmna chu tihtawp vek a ni ang, a ti. 

Union Finance Minister Arun Jaitley-a chuan kar kalta Ningani khan J&K-a special status pekna, state chhunga cheng nghet ni loin ram leh in an neih theih lohna tura khuahkhirhna siamna, Article 35A chu ṭhiah a ṭul thu sawiin, hei hian state hmasawnna tur pawh a dal niin a sawi a ni. 

Mufti-i chuan Finance minister thusawi hi chhang nghalin, Article 370 chu sorkar laipui leh J&K state inzawmna a ni tih sawiin, he special provision hi ṭhiah a nih chuan sorkar laipui chuan J&K nena a inzawmna chu siamṭha tura a bul aṭanga hma a lak leh a ngai ang, a ti. Jaitley pawh hian thil engkim a hriatthiam vek thu a sawi bawk. 

Article 370 ṭhiah a nih chuan Jammu and Kashmir chu India-ah a awm zui dawn em tih an ngaihtuah ṭha dawn a ni, tiin Mufti chuan a sawi.