Miss India Mizoram 2019 Nunui Rualhleng

Model Nunui Rualhleng chuan Miss India audition a paltlang a, Femina Miss India 2019 thlanna neih turah Mizoram ai a awh ang. Nunui hian nimin khan audition hi a paltlang a, Miss India Mizoram 2019-ah puan nghal a ni. Audition hi Guwahati-ah neih niin, endiktu zingah Miss India Mizoram 2018 Lily Darnei pawh a tel a ni. Lily Darnei hian Nunui hi Miss India Mizoram nihna a hlanchhawng nghal a ni. Femina Miss India 2019 thlanna hi June thla khian Mumbai-ah neih a ni ang.