Oriflame service centre thar hawng

Incheina leh taksa tana chaw ṭha chi hrang hrang siam chhuaktu Oriflame chuan Varte Plaza, Zarkawt-ah service centre thar an hawng. 

Centre thar hi Kunal Verma, Operations Director, South Asia chuan Zirtawpni khan a hawng a, Oriflame kutchhuak thar ber berte pho chhuah nghal a ni. He service centre tharah hian training-na bakah, meeting room changkang tak a awm bawk.   

Kunal Verma chuan, "Aizawla service centre thar hawn hi hun rei tak aṭanga Oriflame hmachhawp a ni a, a hlawhtlinna kan hmu ta hi kan lawm hle a ni. Hei hian consultant-te tan Oriflame network chak zawk thlenin, chu chuan ram chhungah danglamna nasa tak a thlen dawn a ni," a ti. He centre hawn thar hi consultant-ten market lama customer-te hnena Oriflame kutchhuak hrang hrang an pho chhuahna kawnga hmasawnna thlentu pawimawh tak a nih ngei a beisei thu a sawi bawk. 

Oriflame hi kum 1967-a din, direct selling company hlun leh changtlung tak a ni. Tunah hian khawvel hmun hrang hrang 60-ah an inzar pharh tawh a, huang an zauh zel bawk. Oriflame hian Swedish kutchhuak - nature-inspired, innovative beauty, skincare & wellness te an nei a, mihring leh khuarel thil zah leh chawisan chu an thupui ber pakhat a ni.