John Mayer-a'n Jerry Garcia Legendary 'Wolf Guitar' a play

Grammy Award  pasarih ngawt dawng tawhtu John Mayer chuan June 23 khan Dead & Company-te nen New York-a an concert-naah, Jerry Garcia Legendary 'Wolf Guitar' a play.

American singer-song­writer leh guitarist Jerry Garcia hi D&C member-te band hmasa, 'Grateful Dead' vocalist/lead guitarist ṭhin a ni a, 1995 khan a thi tawh a ni. A guitar 'Wolf Gui­tar' hi 1973-a a neih daih tawh kha a ni a, Metropolitan Museum-a 'Play It Loud exhibition' neih meka tarchhuah lai mek chu John Mayer hian a play a ni. John hian 2015 aṭang khan Dead & Com­pany hi a tour pui ṭhin.

John Mayer hi kum 41 mi lai ni ve tawh mah se a la lar hle a, a lar tirhin nula lamah tlana deuhin lang mah se tunah chuan guitar lama tui mite lamah a tlana zual hle. Eric Clap­ton meuh pawhin a guitar thiam avanga a lo fak tawh John Mayer hi a pedalboard setup ringawt pawhin tunlaiah ngaiven a hlawh hle. World Tour nei mek John hian July thla chhung hian US hmun hrang hrang a fang dawn a ni.