Time magazine contributing editor thar Angelina Jolie

American actress Angelina Jolie chu Time magazine-ah contributing editor atan ruat thar a ni a, human rights chungchang a ziak ṭhin dawn a ni. 

Time magazine editor in chief, Edward Felsenthal chuan he thu hi Nilaini khan a puang a, an zinga Angelina Jolie tel tur chuan phurna nasa tak a pek thu a sawi. 

A vanglaia khawvela hmei­chhe film star lar ber tih ngam Angelina Jolie hian - displacement leh human rights chungchang a ziak ṭhin dawn a, tawn hriat a lo neih tawh hrang hrangte a share ṭhin dawn a ni. 

Kum 44 mi Jolie hi United Nations (UN) Refugee Agency hnuai­ah kum 18 zet a lo thawk tawh a, kum sarih vel zet chu United Nations High Commissioner for Refugees-ah Special Envoy a lo ni tawh bawk. Ram hrang hrangah field mission 60 chuang a lo kalpui tawh a, Colombia, Peru leh Bangladesh thlengin a lo hrut tawh a ni. 

Nimin June 20 kha World Refugee Day a ni a, hemi denchhen hian Time magazine chuan contributing editor thar atana Jolie an ruat thu hi an puang a ni. Jolie hian 'What we owe refugees' tih thupui hmanga article a ziah chu Time magazine hian July issue-ah an tichhuak nghal dawn a ni. 

'Maleficent' star Jolie hian hian mihring dikna chanvo hrang hrang a tarlang ṭhin dawn a, khawvel hmun hrang hranga raltlante dinhmun thlengin a tarlang ṭhin dawn a ni.