Mister India Mizoram Top-3 ten TNT tlawh

Mister India Mizoram thlanna neih zawh taka top-3 te leh Mister India Mizoram (MIM) Organ­ising Committte-te chuan kar kal ta Inrinni khan TNT, Zuangtui an tlawh a, ṭanpuin an hlan. Mister India Mizoram team-te hian TNT-ah hian hun hlimawm tak an hmang a, ṭanpuina pawisa fai Rs.10,000 bakah, Thawm­hnaw ṭhahnem tak an hlan a ni. 

Mister India Mizoram team hian TNT hmun hrang hrang tlawhin, naupangte nen hun an hmangho bawk. Naupangte hnenah hian fuihna thu ṭha tak tak sawiin, inkawmhona hun ṭha tak an nei. 

Mister India Mizoram thlanna hi February 9 khan neih  ani a, New Capital Complex tlangval Jonathan Lalmuanpuia Thangeo chu Mister India Mizoram atan hian thlanna a ni. Jonathana hi April thla-a Bangalore-a Man of The World India 2019-ah Mizoram ai a awh dawn a ni. First runner up chu Eddie Zaithanmawia niin, Lalramngaiha chu 2nd runner up a ni thung.