Andrew-a'n Hla thar a nei hnai

Hun eng emaw chen hla thar a tihchhuah loh hnuah Andrew Laltlan­kima chu a rawn inlar leh dawn ta. Kolasib tlangval Andrew-a hla thar tur hi 'I dah si' tih a ni a,  Blue Wave Records label aṭang­in tih chhuah a ni ang. 

He hla hi hun rei tak an lo buaipui tawh a, tunah chuan tihchhuah mai theih turin peihfel a ni tawh. He hla hi a tunlai viau dawn a, backing vocal lamah hian Ruatpuii aw pawh hriat tur a awm dawn a ni. Andrew-a hla dang ang lo takin a music hi synthesizer lam ri a ni daih dawn a, style dang deuh nen a rawn inpho­chhuak dawn a ni. 

Andrew-a hian 'I dah si' tih hla hi a piancham pualin a tichhuak dawn a, Blue Wave Records produce a ni. Music leh recording pawh Blue Wave kutchhuak a ni dawn a, an YouTube official channel-ah leh Andrew-a YouTube channel-ahte tihchhuah a ni ang. A lyrics video tihchhuah a ni dawn a, Defuze Design kut­chhuak a ni thung ang.