Mizo Film Zirtawpni zanah Zonet-ah MITTUI A far dawn
Mizo film thar hmuhnawm tak Zonet lamah en tur a awm dawn. Zirtawpni zanah hian tihchhuah a ni dawn a, a hmuhnawm viau turah beisei ang.
Tute nge kan hmuh dawn?
Trailer aṭang khan kan hmu tawh a, Thingtlang Tlangval star Rosangpuii kan hmu leh dawn a, Grace film aṭanga kan hmelhriat Zorema Khiangte bakah mithar Vanlalmawipuia kan hmu dawn bawk. Thingtlang Tlangval film-a chang tho Mimi K Lalnunfeli script ziah a ni a, Malsawma Fanai (M Space) chu director niin Zonet-in an produce thung.
Short Film
He film hi 'Mittui' tih a ni a, ṭhenkhat chuan a trailer kan hmu tawh hlawmin a rinawm. Film dang anga thui a ni dawn lo a, minute 40 vel lek a ni dawn.
Teaser
He film hi Lungdaia an chan a ni a, Lungdaia thil thleng anga chan a ni.
Nula leh tlangval inhmangaih tak inkarah an khuaa doctor rawn awm thar chu a inrawlh tlat mai a, a tawpah chuan doctor tawnah chuan nula chu a tlu ta. Chu doctor chu nupui fanau nei a lo ni si! Dinhmun khawngaihthlak taka ding nula chu engtin nge a awm zel dawn i hriat duh chuan Zirtawpni zanah Zonet lamah i hre thei ang.
Director Malsawma chuan film dang chan zawh tawh pawh an nei tih sawiin kumin chhung chuan a direct film pahnih thum tal chu kan hmuh leh a beisei-awm hle.