Miranda Lambert Khiang a awi leh ta!

American singer Blake Shelton nen an innei ren rawn a, rei erawh an daih lo. 'Tin Man' singer Miranda Lambert hian a lungdumtu a tawng leh ta a, tun ṭum chu police officer a ni ve thung. 

American singer Lambert leh Brendan Mcloughlin te chu a rukin an lo inkutsuih fel der a ni awm a, a hun leh ni erawh an tarlang lo. Lambert leh Brendan Mcloughlin te hian Inrinni khan social media kaltlangin an inneih thu an puang a, an tlalak ṭhenkhat pawh Instagram lamah an tarlang a ni.

 

Lambert leh McLoughlin te hi nikum kum laihawl vel aṭanga inzui ṭan chauh an ni a, an inneih thu an puang zui ta mai hian mipui a barakhaih hle a ni. Miranda hi American musician Anderson East nen kum hnih an inzui hnuah nikum February thla khan an inṭhen a ni. 

Miranda Lambert hi Blake Shelton nen kum 2011 khan an innei a, 2015 khan an inṭhen leh a ni.