Ozuna-a'n record a break

Kum tina sem ṭhin Bill­board Latin Music Award chu April thla hian sem a ni leh dawn ta a, award dawng thei tura hming chhawpchhuahte pawh puan a ni tawh. Puer­to Rican singer Ozuna chu category 15 zetah langin, record a break hial. 

Ozuna hi mimala langsar ber niin, khawvel hupa zaithiam lar tak tak - Cardi B, Demi Lovato, Drake leh Jennifer Lopez bakah Shakira te hming pawh chhawpchhuah zingah hian a tel a ni. 

'Impossible' singer Ozuna hi award ngaihlut tak tak - Artist of the Year, Hot Latin Songs, Songwriter of the Year leh Top Latin Album of the Year dawng thei dinhmunah a ding mek a, chawimawina dawng tura khan ber a ni bawk. Ozuna hi J Balvin leh Nicky Jam te chuan dawtin category 13-ah an lang a, Bad Bunny leh Daddy Yankee te pawh an langsar viau bawk. 

Billboard Latin Music Award hi April 26 khian Las Vegas-ah sem a ni ang.