Taylor Swift leh Katy Perry khumtu Ariana Grande

American singer Ariana Grande chuan YouTube-ah subscriber maktaduai 32.5 chuang zet neiin, Taylor Swift leh Katy Perry te a khum a - hmeichhe zaithiam zinga subscriber ngah ber a ni mek. 

'Thank u, Next' singer hi chet ṭhat chhunzawm zelin tun hnai khan record hi a rawn siam a, Taylor Swift (32.28 mtd) leh Katy Perry (32.24 mtd) te a rawn khum a ni. Ariana Grande hian a vanglai a hmang chho mek zel a, a hla thar '7 Rings' chu kumina music video chuak tawh zinga mipuiin an en nasat ber a ni. '7 Rings' hi tlangzarh aṭanga darkar 24 chhung lekin mi mtd 23.6 zetin an view a ni. 

Ariana Grande hi social media lamah pawh a lar hle a, YouTube-a subscriber ngah ber nih ringawt pawh hi thil namai lo tak a ni. Taylor Swift lar zia leh Katy Perry huhang ngah zia chhut phei chuan a record hi a nep lo hle a ni.