Katy Perry & Orlando Bloom An inhual thu an puang

American singer Katy Perry leh English actor Orlando Bloom te chuan an inhual thu an puang. Perry leh Bloom te hi 2016 aṭang khan an inzui ṭan a, Valentine's Day khan an inhual ta nge nge a ni. 

An inhual thu hi a tirah an puang nghal mai lo a, Katy Parry-i'n socia media lama an inhual thu a tarlan hnuah a darh ta chauh a ni. American pop star hian Bloom nena an thlalak chu Instagram lamah tarlangin, caption-ah 'Full bloom' tih a hmang a ni. An thlalak hi hun rei lote chhungin mi maktaduai hnih dawnin an like a, lawmpuitu pawh an ngah hle a ni. 

Kum 42 mi 'Pirates of the Caribbean' star Bloom leh 'Dark Horse' singer Perry (34) te hian inṭhen chang nei ve bawk ṭhin bawk mah se, changdang kan erawh an tum lo. Tunah chuan 'tiam tlat e' ti tura kawng hmasa an zawh dun ta phawt a, a tawp an thleng dun thei ang em tih chu hunin a la hril dawn a ni. 

•    January 2016 khan a vawi khat nan Golden Globe Award-ah an intawng

•    April 2016 khan Met Gala-ah hmuh dun leh an ni

•    August 2016-ah chawlh an hmang dun

•    March 2017-ah an inṭhen a, December 2017-ah an inzui ṭan leh

•    February 2018-ah an inṭhen leh a, a hnu lawkah an ṭha leh 

•    February 2019-ah an inhual

•    Orlando hi a hmain Australian supermodel Miranda Kerr nen an lo innei tawh a, fa pakhat an nei hman. Katy Perry hi English comedian Russell Brand nen 2010 - 2011 chhung khan an lo innei ve zawk tawh bawk.