Anime of the Year Jujutsu Kaisen
Crunchyroll chuan Zirtawpni liam ta khan 2021 Anime Awards an sem a, Jujutsu Kaisen chu Anime of the Year-ah puangin, Keep Your Hands Off Eizouken! chu Best Animation-ah an thlang thung.
Anime hmuhnawm ber Jujutsu Kaisen
March 2018 aṭanga Weekly Shonen Jump-a tihchhuah ṭhin Jujutsu Kaisen hi nikum kum tawp lamah khan streaming platform-ah pe chhuak ṭanin episode 24 an tichhuak phawt dawn tih an puang a, a manga lamin lawm alo hlawh tawh sa bawk nen anime-a tihchhuah a nih tirh phat aṭang khan a hit nghal hle.
Award semtu Crunchyroll hi Asia khawmualpui pawn lama anime licence neitu an ni nghe nghe. High school naupang Yuji Itadori chanchin niin curse 'Ryomen Sukuna' hneh tura dawithiam pawl pakhat a zawm dan chanchin vel a ni. He anime series hi ram 71 laiah pek chhuah a ni a, tun thla thleng hian khawvel ram hrang hrangah a manga pawh copy maktaduai 30 chuang an hralh tawh. Khawvela manga an hralh tam ber zinga mi a ni mek.
Jujutsu Kaisen hian Best Ending Sequence award pawh dawngin, Best Antagonist pawh a dawng bawk.
Award pakhat aia tam dawng an awm nual
Keep Your Hands Off Eizouken! chu Best Animation-ah thlan a ni thung a, he anime director Masaaki Yuasa chu Best Director-ah thlan a ni bawk.
Re:ZERO -Starting Life in Another World pawh award pakhat aia tam la thei zingah telin Best Performance by a Voice Actor (JP) award leh Best Fantasy award dawngtu a ni. Nikum lama anime boruak nei lian tak My Hero Academia season 4 chuan Best Performance by a Voice Actor (EN) a dawng bawk a, he series-a Deku leh Overhaul insual chu Best Fight Scene-ah thlan a ni bawk.
Kaguya-sama: Love Is War? chuan Best Comedy leh Best Girl award an dawng a ni.
Crunchyroll
Crunchyroll, Inc hi anime, manga leh dorama lam thlurbingtu American distributor, publisher, production leh licensing company a ni.
Khawvel ram hrang hrang aṭangin mi maktaduai 100 chuan Crunchyroll hi an hmang a, nikum December thla khan Sony chuan an Funimation hnuaia awm turin Crunchyroll hi $tluklehdingawn 1.175-in an lei dawn tih an puang tawh. Nikum chhung khan paid subscriber mtd 3 chuang an nei.
Kum 2017 aṭang khan kumtinin Anime award hi an sem ziah a ni.
5th crunchyroll Anime Awards winner list ṭhenkhat
Anime of the Year : Jujutsu Kaisen
Best Animation : Keep Your Hands Off Eizouken!
Best Fantasy : Re:ZERO - Starting Life In Another World (Season 2)
Best Drama : Fruits Basket (Season 2)
Best Comedy : Kaguya-sama: Love is War?
Best Girl : Kaguya Shinomiya (Kaguya-sama: Love is War?)
Best Boy : Shoyo Hinata (Haikyu!!! To The Top)
Best Fight Scene : Deku Vs. Overhaul (My Hero Academia, Season 4)
Best Score : Kevin Penkin (Tower of God)
Best Director : Masaaki Yuasa (Keep Your Hands Off Eizouken!)
Best Character : Mayuka Ito, original designs
Design by Aidairo (Toiled-bound Hanako-kun)
Best Couple : Nasa Yuzaki and Tsukasa Yuzaki (TONIKAWA: Over The Moon For You)