'Rimawi Zan' Zaninah hmang dawn

Mizoram UPC kohhran hnuaia Media & Publicity Board chuan 'Rimawi Zan' an buatsaih dawn a, zanin dar 7:00 hian Ignite Studio, Khatlaah hun an hmang dawn. 

Rimawi Zanah hian Pentecost koh­hran huang chhunga zaithiam hrang hrangten hun an hmang dawn a, hrang­hlui zaithiam, hun rei tak chhung chawl tawh, 'Khawpui Mawi, 'Tlanna Mak' leh hla dang tam tak phuahtu Rodingliana pawh a inlan dawn a ni. 

Hranghlui zaithiam zingah hian Rodingliana bakah, Tuinung Lui hla phuah a, sa lartu K. Vanlalhnema leh Lalṭhazuali te pawh an zai ang. 

Anni bakah hian Mizo Idol hmasa bera top 7 C. Muani, Mizo Idol 2014-a top 9 Lalawmpuii Khiangte leh tun hnaia zaithiam chhuak thar Vanlaltlansaa Zahau te an inlan bawk dawn a ni. 

Rimawi Zan hi Media & Publicity Board-in television channel an neih Zonet leh LPS-a Pentecost channel-ah te pekchhuah leh tur a ni dawn a, YouTube lama Pentecost Channel-ah a en theih dawn bawk.