Grammy-a perform ten hlawkna an tel

Music industry nghawrnghing dawt thei khawpa mipuiin ngaihven a nih miau avangin thil mak a ni lo. 61st Grammy Award-a perform-te khan kawng dangah hlawkna an tel a, an hla leh album hralh a kal phah hle. 

Nielsen Music-in a tarlan dan chuan award certemony-a perform artist-te album leh hla hralhna hi 480% zetin a pung a, kum dang zawng aiin a sang a ni. Lady Gaga, Kacey Musgraves, Brandi Carlile leh H.E.R te chu hlawkna tel langsar ziangah an tel.

Grammy Award pali zet a lak hnuah Kacey Musgraves a invawrh dawrh a, a hla hit 'Rainbow' pawh hralh a kal hle. Grammy-a a perform hma leh perform hnua hralh zat inthlauhna hi 9,430% zet a tling a ni. Lady Gaga leh Bradley Cooper te sak 'Shallow' hralhna pawh 229% zetin a puang a ni.