BLACKPINK North America an hrut dawn

Tun hnai khan a vawi khat nan US-ah show an nei ve chauh a, amaerawhchu beisei phak baka mipuiin an hlut avangin tour nei turin an inbuatsaih ta rup mai. South Korean girl group BLACKPINK hian April thla aṭangin 'In Your Area' tour an nei dawn a, North America hmun hrang hrangah an concert dawn a ni. 

K-pop quartet te hian khawpui parukah show an nei dawn a, April 17-ah Los Angeles-ah kick-off an nei ang. Hemi hnu hian - Chicago, Ontario, New Jersey, Atlanta leh Georgia-ahte show an nei zui ang a, May 8-ah Forth Worth convention Center, Texas-ah a hmawr an bawk dawn a ni. 

YG Entertainment chuan BLACKPINK te tour neih tur thu hi an puang a, Coachella-a an inlan tur pawh a su buai dawn lo tih an sawi. 'DDU-DU DDU-DU' singer te hi music festival ngaihlut Coachella-ah a vawi khat nan an perform dawn a ni. 

South Korean girl group lar BLACKPINK hi nikum khan Universal Music Group (UMG) leh Interscope te chuan contract an ziahpui a, hemi hnu hian an lar chak leh zual a ni.