Vawiinah V-Day pual Thisen pek runpui

Association for Vo­luntary Blood Dona­tion (AVBD) chuan vawi­in hian Valentine's Day pualin thisen pek rûnpui an buatsaih dawn a, Aizawl bakah District dangah pawh kalpui a ni ang. 

Aizawl-ah chuan Valentine's Day Blood Donation Camp hi - AVBD, Aizawl Civil Hospital leh MSACS te bultumin Dawrpui Multipurpose Centre-ah an huaihawt a ni dawn a, Health minister Dr R Lalthangliana chu khuallian a ni ang. He hunah hian host atan Mizo model lârte hman an ni dawn a, anni hian thisen petu apiangte hnenah rose leh wrist band an sem dawn bawk. 

Zaithiam ṭhahnem tak an zai dawn bawk a, anni hian thisen petute leh anmahni ṭawiawmtute chu zaiin an lo awi reng dawn a ni. Synod Hospital-ah pawh V-Day Blood Donation hi kalpui a ni dawn a, Durtlang lama kal remchang zawkte tan chuan pan mai tur a ni. 

V-Day Blood Dona­tion hi district khawpui dangahte pawh AVBD leh Blood Bank-te nen thawkhoin buatsaih a ni dawn a; district tina mi larte leh zaithiamte nen hun hman a ni ang. AVBD chuan Mizo ṭhalaite chu V-Day-ah mi dangte tan malsawmna ni a, an hma­ngaihte puala thisen pe vek turin an sáwm a ni.