Arnold hma-a zam Chris Pratt!

Duh berte neih theihna tur a nih dawn chuan zam leh khur chung pawha penchhuah a ngai a ni. American actor Chris Pratt pawh chung zingah chuan a bang bik lo. 

'Guardians of the Galaxy' star Chris Pratt hian Katherine Schwarzenegger nen an inhual hma khan, hreh tak chhungin Katherine-i pa  Arnold Schwar­­zenegger a hmachhawn thu a sawi. Arnold hnenah hian a fanu Katherine chu neih phalsak turin a ngen a, a huphurh ang em em chuan tawh a lo khirh vak lo a ni awm e. 

Kum 39 mi Pratt chuan, "Tradition ṭhenkhatah chuan an nu leh pate hnenah nupui atana kan duh thu thlen a ngai ṭhin a ni. Keipawhin chu chu ka paltlang a, thaw a veng huai mai. Ka hlim tak zet a, Katherine leh a pa te pawh an hlim tak zet a ni," tiin an thil tawn a sawi chhuak. Kum 71 mi American actor lar Arnold pawhin a makpa hual Christ Pratt hi a fak hle.