Grammy Award-ah Maren Morris

American singer Maren Morris chu February 10-a sem tur Grammy Award-ah a perform dawn. Ani bakah hian American country music group Little Big Town leh Puerto Rican singer Ricky Martin te chu perform tur zingah an tel thar bawk. 

Maren Morris, Little Big Town leh Ricky Martin te inlan tur thu hi American Television broadcasting company CBS chuan Super Bowl-ah khan an puang a ni. Kum 28 mi Morris hi Grammy Award dawng tura chhawpchhuah zingah a tel a, category panga laiah a lang a ni. Grammy Award ṭum thum zet lo dawng tawh Little Big Town pawh an bang bik chuang lo - Best Country Duo/Group Performance award dawng tura chhawpchhuah zingah an tel a ni. 

Music lama chawi­mawi­na sang Grammy Award hi STAPLES Center, Los Angeles-ah a vawi 61 nan sem a ni dawn a, Post Ma­­lone, Cardi B, Camila Ca­bel­lo, Dan + Shay, J Bal­vin leh Shawn Mendes te chu perform tur zingah an tel bawk.