Jennifer Lawrence leh Cooke inhual

7th February, 2019

American actress Jennifer Lawrence chuan pasal neih zai a rel ve dawn ta a ni ngei ang - American ve tho Cooke Maroney nen an inhual ta tlat mai. Kum 28 mi Lawrence leh Cooke (34) te hi nikum aṭang khan an in 'date' ṭan a, thla riat vel awrh chauh an la inzui a ni.

'Hunger Games' star Lawrence leh Maroney te hi tunhnai khan New York khawpuiah hmuh dun an ni a, Lawrence hian inhualna zungbun a bun a ni. An inhual thu hi a tirah pha deuh mah se Lawrence zawk hian a rawn nemnghet ta a ni. Hetih rual hian an inneih hun tur lam erawh an la sawi lang lo thung a, a hlat vak erawh a rinawm loh.

'Red Sparrow' star Lawrence hi British actor Nicholas Hoult nen 'X-Men'-ah an chang dun a, hemi hnu hian hun eng emaw chen an inkawp zui bawk. American filmmaker Darren Aronofsky nen pawh hun eng emaw chen chu an inzui a ni. A lungdumtu ber erawh Gladstone Art Gallery director Cooke Maroney a ni a, khiangawih nan a thlang ta a ni.

Jennifer Lawrence

• August 15, 1990 khan Indian Hills, Kentucky-ah a piang.

• Khawvela actress hlawh hnem berte zinga mi a ni.

• Kum 2012 khan Oscar Award 'Best Actress' a dawng.

• Nicholas Hoult nen 2009-2014 chhung an inzui.

• 2014 vek khan Chris Martin nen an in date a, kum a vei hmain an inṭhen.

• Liam Hemsworth nen pawh sawi zawm an ni.

• 2016-2017 chung khan Darren Aronofsky nen an inzui

• 2018-ah Cooke Maroney nen an inzui ṭan a, February 2019-ah an inhual. Jennifer Lawrence