Ariana Grande Tattoo tireh thei hnenah $mtd 1.5 pek tiam!

A hun lai chuan duhtaka a chhutkai a nih ngei a rinawm a, tunah erawh a tihreh dan tur ngaihtuahin ṭanpuitu a au ruai mai. American singer Ariana Grande chuan a kutphaha tattoo awm tireh theih hnenah $mtd 1.5 zet pek a tiam a ni. 

Ariana hian tun hnai khan hla thar '7 Rings' a tichhuak a, he a hla pual hian tattoo a chhu zui bawk. Japanese ṭawnga '7 Rings' a chhut chuan awmze hran daih a lo nei si a, tihreh a duh leh ta si a ni. Hemi chungchang hi social media lamah tarlangin, a tihreh sak thei hnenah sum tam tak a pek tur thu pawh hi a tarlang a ni. 

Tattoo tireh thei nia insawi company hrang hrangte chuan an ngaihven nghal chat a, an hlawhtling thei angem tih chu hriat chakawm tak a ni. Ariana Grande hian tattoo a la nei ngai lo nia sawi a awm a, tun hi a vawi khatna a ni awm e. Mahse a beisei angin thil a kal ta si lo a - sum tam tak sen inhuamin ṭanpuitu a au ta a ni.