amfAR Gala Milano-ah Rita Ora perform dawn

English singer Rita Ora chu 11th annual amfAR Gala Milono, September 21-a neih turah a perform dawn tih tihchian a ni. 

The Foundation for AIDS Research, amfAR hi international non-profit organisation a ni a, AIDS research, HIV prevention, treatment education leh AIDS kaihhnawih public policy kalpuina kawngahte an pui ṭhin. Kum 1985-a din a ni a, HIV/AIDS natna chungchanga mipuite ngaihdan dik lo leh hlauhna an neihte tihnep a nih theihna tura hrilhfiah te, heng natna tuarte enkawl leh ṭanpuina tur atana sum tam zawk dah a nih theih nante an bei a ni. Tunah hian headquarters pathum - New York, Washington DC leh Bangkok-ah an nei mek. 

AmfAR hian event hrang hrang an huaihawt ṭhin a, heng aṭanga a sum hmuhte hi AIDS research tihna atan hman a ni ṭhin. amfAR Gala Milani bik pawh hian USD mtd 14 chuang zet a lo tuakchhuak tawh a ni. AmfAR event dang ang bawkin, amfAR Gala Milano hian mi lar tam tak a hip khawm leh ngei rin a ni.