Hrithik Roshan khawvel mipa hmelṭha top 5-ah lang

US-based agency tihchhuah 'Most Handsome Man in the World' 2019 top 5-ah Bollywood actor Hrithik Roshan chu a lang a, ani bakah hian Chris Evans, David Beckham, Robert Pattinson leh Omar Borkan Al Gala-te pawh an tel. 

Eng nge i hmelṭhat chhan tia an zawh chuan Hrithik hian brocolli ka ei vang tiin fiamthu in a sawi. "Top 5 list-a ka tel thei hi a lawm em em a, nungchangṭha hi ka ngaipawimawh a ni, nunchangṭha chuan kan lan danah pawh mawina a thlen ṭhin a ni," tiin a sawi zui. 

Hrithik-a heti khawpa tilang hmelṭhatu zingah hian tunhnaia a film chan thar 'Super 30' hi kan sawi hmaih thei lo ang. He film hi mathematician Anand Kumar nundan zulzuia chan a ni a, Hrithik hi Anand Kumar lemah changin a part hi hnehsawh hle a ni.