LPS Comedian Search season 13 March 13 aṭangin

LPS Comedian Search season 13 chu March 8 aṭangin ṭan a ni leh tawh dawn.

Health Department thawhpuiin  LPS Come­dian Search 2021 hi buat­saih a ni dawn a, sea­son dang ang lo deuh­in intihsiakna hi kalpui an tum a, intihsiaknaa telte hi batch pathuma ṭhen an ni dawn a; batch tinte hian kar khat chhung intihsiakna an nei ang.

Batch pathuma a tiṭha zual thlan chhuahte chuan round hnihna an lut dawn a ni. Intihsiaknaa tel tumte chuan selection round an paltlang hmasak a ngai dawn. Hetah hian mobile emaw video camera hmang emawin an fiamthu thawh lai an record ang a, chu chu WhatsApp emaw email emaw hmangin an thehluh a ngai dawn. Kum danga Comedian Search-a lo tel tawh, top 20 thleng pha chin, tel leh duh an awm a nih erawh chuan chung mite chuan video hi an siam ve a ngai dawn lo a, round hmasa ber aṭangin an inlan nghal thei dawn a ni.

Aizawl khaw pawn aṭanga tel tur, first round-a inlan turte chu an haw leh kalna lirthei chuan man tum sak an ni dawn a, Health Deparment lama mi thiamte'n intihsiaknaa tel zawng zawngte hi an intihsiak hmain Covid-19 test a free-in an neihpui vek dawn bawk. Kumin LPS Come­dian Search 2021 main sponsored hi SR TOCHHAWNG TRADERS te an ni ang. 

Pakhatna        Rs 1,00,000  +  Trophy

Pahnihna        Rs 50,000  +  Trophy

Pathumna    Rs 30,000    +  Trophy