Liam Payne-a'n a single thar tichhuak

One Direction member Liam Payne chuan A Boogie Wit da Hoodie nena an zai dunna a single thar 'Stack It Up' chu mipuite en theih turin YouTube lamah Ningani khan a tichhuak.

Stack It Up' hi Liam Payne-a'n  kumin chhunga a hla tihchhuah hmasak ber a ni a, "Hla thar ka tichhuak thei hi ka lawm em em a, Boogie nen kan zai dun hi a nuam ka ti hle bawk," tiin a hla thar chungchang a sawi. Nikum khan Liam Payne hian solo album tihchhuah a tum a, mahse rokhawlhna avangin a tichhuak leh lo. Liam Payne hian nikum leh  kum hmasa lamahte khan, amahin hla a lo ti chhuak nual tawh a ni.

A hunlaia boy band hit ber tia chhal ngam One Direction boy band member panga awmna ṭhin hi, "The X Factor 2010" aṭanga rawn lar an ni a. Kum 2015-a Zayn Malik a'n band a chhuahsan hnuah khan, band ang hian 2016 thleng la kal mah se 2017 March thla aṭang khan band angin an kal thei meuh tawh lo a ni.