Shawn Mendes-a'n world tour nei dawn

Tunlai zaithiam zinga thawm nei lain ber pawl Candian singer Shawn Mendes chuan a vawi thum nan world tour a nei dawn a, March thla aṭangin a ṭan ang. 

'Lost in Japan' singer hian tour hi a nei rei dawn hle a, March 7 aṭangin December thla thleng a awh dawn a ni. Khawpui hrang hrangah show ṭum 70 chuang zet a nei dawn a ni. 

Europe-ah kick-off a nei ang a, UK, Australia leh New Zealand-ahte con­cert a nei dawn a ni. Hemi hnu hian America a pan dawn a, North, Central leh South America-ah te show a nei dawn a ni. Mexico, Argentina, Brazil, Chile leh Peru te pawh a tlawh dawn a, a boruak a lian leh viau dawn. 

Brazil khawpui Sao Paolo leh Rio De Janeiro-ahte concert a nei ang a, Argentina leh Chile te a pan zui dawn a ni. December thla-ah Mexico a pan leh ang a, December 20-ah Mexico City-ah a hmawr a bawk dawn a ni.