Parineeti Chopra-i'n Saina Nehwal tlawh dawn

Bollywood actress Parineeti Chopra chuan Olympic bronze madalist Saina Nehwal chu a inah a tlawh dawn.

Indian badminton player leh Olympic bronze madalist Saina Nehwal hi a chanchin film-a siam mek a ni a, hetah hian Parineeti Chopra hi Saina lemah hian a chang a ni.

"Saina hi a inah ngei ka tlawh duh a, engtin nge a khawsak ṭhin ka hre duh a ni. Vawi tam tak kan inhmu tawh a, mahse tun ṭum chu a inah ngei hian hmuh ka tum a ni. A ina a khawsak dante, a chaw ei dante ka hre duh a, nikhat tawp ka awm chilh dawn a ni. Saina chuan min tiam tawh a, a nuin chaw a pek ang ṭhin chu, a nu ngei hian min pein, min hrai ve dawn a ni," tiin Parineeti chuan a sawi.

Hmanni lawk pawh khan Bollywood actor Ranveer Singh chuan Indian cricket bowler Kapil Dev inah ni 10 chhung hun a hmang tawh bawk. Ranveer hian Kapil chanchin film a chang mek a ni. Priyanka Chopra Jonas-i'n Olympic bronze medalist Mary Kom chanchin film a chan lai pawh khan, Mary Kom chu a inah a tlawh tawh bawk a ni.

Saina Nehwal biopic film tihchhuah thar tur atana director chu Amole Gupte a ni a, film production company T-series chuan an produce bawk ang.