2021 Billboard Music Awards May-ah sem dawn

NBC leh Dick Clark Productions chuan thuchhuah siamin 2021 Billboard Music Awards semna ceremony chu May 23, Pathianniah neih a ni dawn tih an puang.

Award sem ceremony hi NBC chuan live-in a pe chhuak dawn a, Billboard chart-a an chet ṭhat dan aṭangin award dawng turte hi thlan an ni ṭhin a, ceremony-ah hian live performance hmuhnawm leh beng ti tlai tak tak bakah beisei loh deuh deuh zaidun te pawh hmuh tur an awm leh mai thei.

Nikum Billboard Music Awards khan Kelly Clarkson-in a host a, hripui len lai a nih avangin virtual-in show hi a host a ni. Award pawh an sem har hle a, an tihkawhtlai fo hnuah October 14 khan an sem chauh. Post Malone chu nikum award semnaah khan a langsar ber a, award pakua lai a hum haw.