'Harry Potter’ TV Series HBO-in an buaipui mek, an ti

Variety magazine chuan HBO Max-a tihchhuah turin 'Harry Potter’ TV Series buaipui mek a ni tih an ziak a, The Hollywood Reporter (THR) pawhin hetiang thu an dawn thu hi an sawi ve bawk.

Warner Bros. leh HBO Max lam chuan Variety hnenah hian an studio-ah emaw streaming platform-ah emaw chuan Harry Potter series chungchang engmah buaipui an neih loh thu an hrilh a, heti chung hian Variety chuan project bulṭan a nih tawh thu hmun hrang hrang aṭanga an thudawnna aṭanga a chian thu an sawi thung.

THR leh Variety hian an thudawn an tarlan dan chuan script ziaktu tur emaw a changtu turte emaw tumah biak fel an la ni lo a, mahse script buaipui thei tur writer eng emaw zat chu an dawr tawh a ni, an ti a, Harry Potter timeline eng  ber nge an chan dawn tih erawh an la hre bik lo.

'Harry Potter’ lehkhabu pasarih kha khawvel pumah copy maktaduai 500 chuang an hralh a, heng lehkhabu pasarihte hi film-a siam tawh niin film pariatah an siam a, a hit hle a, sum pawh $tluklehdingawn 8 dawn a lalut a ni.

'Fantastic Beasts' film series pawh kha Harry Potter prequel spinoff a ni a, tunah hian a film pathumna tur an buaipui leh mek bawk.