Star Wars-a chan a hreh lo Chris Hemsworth

Australian actor Chris Hemsworth chuan Ace Comic Con Event-ah Star Wars fran­chise film-ah chance a neih chuan, chan hreh loh thu a sawi.

Captain Marvel lema chang Brie Larson leh Captain America actor Chris Evans-te chuan Star Wars movie-ah chan an hreh loh thu an sawi hnuah Thor actor Hemsworth hian a sawi ve leh a ni. 

Avengers : Endgame star Chris Hemsworth hi Thor, Star Trek, Men in Black: International leh Ghostbusters-ahte pawh a lo chang tawh a, a film channa ho 'hit' tak tak vek niin, sum pawh an hailut hnem hlawm hle.