Gwen Stefani-i'n Fashion Icon award dawng dawn

2019 E! People's Choice Awards-ah American singer kum 50 mi lai ni ve tawh Gwen Stefani chuan Fashion Icon Award a dawng dawn.

No Doubt vocalist hian fashion brand eng emaw zat a nei a, chung zingah chuan L.A.M.B., Harajuku Lovers leh eyewear line gx-te pawh a tel. Stefani chuan E!'s People's Choice Awards-a  Fashion Icon Award a dawng tur chu chawimawina ropui tak a nih thu a sawi.

E!'s news, live events and lifestyle digital general manager Jen Neal chuan Gwen Stefani chu global music artist, a signature style leh nungchang danglam nei a ni tih a sawi. Music leh fashion-ah a hlawhtling hle tih sawiin 2019 E! People's Choice Award Fashion Icon honoree-a an puang thei tur chu an chhuang takzet tih a sawi a ni.

Nikum khan E! People's Choice Awards-a Fashion Icon award hi Victoria Beckham hnenah hlan a lo ni tawh bawk. 2019 E! People's Choice Awards hi Barker Hangar, Santa Monica-ah November 10 hian sem a ni ang.