Mizo Guitar Idol 2019 R. Lalremmuana
Mizoram music-in hma a lo sawn nan leh talent ṭha zawkte phochhuah a nih theihna tur, Mizo Guitar Idol 2019 powered by Kameleon Music Store chu nimin khan zawhfel niin, Lunglei tlangval R. Lalremmuana chu guitar perh thiam berah thlan a ni.
Mizo Guitar Idol 2019 hi October 28 aṭang khan neih ṭan a ni a, YouTube lamah backing track dahchhuah niin, 'Mizo Guitar Players and Fans Facebook group'-ah guitarist-te'n backing track hmanga an guitar perh an upload ṭhin a, mi 50 laiin an upload nghe nghe.
November 16 thlenga an guitar perh lai video thehlutte aṭangin a ṭhazual 10 thlanchhuah leh a ni. A ṭhazual thlanchhuah 10-te hian nimin khan Kameleon Music Store-ah judge-te hmaah live-in intihsiakna an nei leh a, anni hian backing track dang hmangin intihsiakna hi an nei leh a, R. Lalremmuana hi thiam berah thlan a ni ta a ni.
Pahnihna chu H. Lalrinawma niin, Lalpekhlua chu pathumna a ni bawk.
Mizo Guitar Idol 2019 hian -Rs.5000 + Trophy + Certificate + Electric Guitar Sterling by Musicman (Sub Silo3) a dawng a, pahnihna hian Rs.3000 + Trophy + Certificate + Mooer GE100 dawngin pathumna hian Rs.2000 + Trophy + Certificate + Guitar practice amp a dawng ve thung.
Top 10-a lang phate hnenah Rs 500 leh Certificate hlan an ni vek bawk a ni.
Mizo Guitar Idol 2019 Top 3
1 R. Lalremmuana
2 H. Lalrinawma
3 Lalpekhlua