Nakkumah Kaziranga Utsav buatsaih dawn

Ni thum awh tur tourism festival, 'Kaziranga Utsav' chu kum 2020, January 5-7 hian Assam-a  Kaziranga National Park (KNP) ah buatsaih a ni dawn. 

Assam agriculture minister Atul Bora chuan Inrinni khan ‘Kaziranga Utsav’ official logo a tlangzarh a ni. National Park-a tourism festi­val neih tur hi Golaghat district thu­neitute leh state Forest, Tourism leh Agriculture department thawk­hoin an buatsaih dawn a, Kaziranga Natio­­nal Park (KNP) tlawh tura khual­zin tam zawk hipna tura tih a ni. 

Agriculture minister chuan KNP chu ramchhung leh rampawn aṭanga khualzinte hmuh chak leh tlawh chak ber siam turin state sorkar chuan theihtawp a chhuah zel dawn tih a sawi. Festival-ah hian programme hrang hrang siamin, food fest, cultural function leh art competition pawh a awm tur thu a sawi. Tourism festival hlawhtling tak buatsaih a nih theih nan committee pawh din a ni tawh bawk.