Ozzy tour-a inlan tur Marilyn Manson

Heavy metal band Black Sabbath vocalist ṭhin Ozzy Osbourne-a'n nakkuma North America-a 'No More Tours 2' a chhunzawm lehna turah, Marilyn Manson chuan a ṭawiawm dawn.

Kum 70 mi Ozzy hi kumin kum tir khan pneumonia natnain a tlakbuak hnuah, April thla khan an inchhungah a chesual zui a, a hnungzang, nghawg leh a darte chu a sawh na a ni. Mahse ziaawm lam pan zelin nakkum lamah erawh  'No More Tours 2' hi chhunzawm leh a tum thung.

"Ozzy nen hian a hma pawhin kan lo tour dun fo tawh a, nakkuma kan tour dun leh thei tur pawh hi ka phur tawh tak zet a ni," tiin Marilyn Manson chuan a  tour a ṭawiawm tur chu a phur tawh hle tih a sawi. 'No More Tours 2' hi nikum April thla aṭang khan Ozzy hian a kalpui ṭana, mahse damlohna neuh neuh a tawh avang hian a chawlhsak lailawk a ni. Tunah erawh ziaawm tawhin tour chhunzawm tur hian a inbuatsaih leh ṭan tawh a, Atlanta-a State Farm Arena-ah nakkum May 27 aṭangin tour hi a ṭan leh ang.