Robbie Williams-a'n Britney Spears nena zaidun a chak

Take That member hlui,  Robbie Wiliams-a'n Radio Interview-ah 'Toxic' hitmaker, Britney Spears nena Christmas classic, 'Fairytale of New York' cover dun a chak thu a sawi.

Robbie Williams hian kar liam ta Zirtawpni khan a holiday album, 'The Christmas Present' a tichhuak a ni. Britain Heart radio-in a kawmnaah, Williams chuan 'Fairytale of New York' sak pui tura Spears a sawm thu leh, Spears hian rimawi lamah chawlh a lak lai a nih avanga a lo hnar thu a sawi. Mahse eng tikah emaw chuan an la sak dun theih ngei a beisei tih a sawi nghal bawk. 

'Angels' hitmaker Robbie Williams hi December 16-ah The SSE Arena, Wembley-a festive show-ah a inlan dawn a, November 24 hian London Palla­dium-a Magic of Christmas hman­naah a inlan dawn bawk a ni.