Mötley Crüe reunion tour nakkumah

American heavy metal band Mötley Crüe chuan nakkuma reunion tour an neih tur thu an puang a, Def Leppard leh Poi­son-ten an ṭawi­awm dawn bawk.

Kar hmasa khan Mötley Crüe hian video tichhuakin, nak­kumah US aṭangin tour an neih ṭan tur thu hi he video kaltlang hian an puang a ni. Netfix tihchhuah Mötley Crüe chan­chin film-a siam "The Dirt"-a drummer Tommy Lee aia chang rapper Machine Gun Kelly chuan Mötley Crüe-in reunion an nei tur chu a rin phak ngai loh thu sawiin, a phur tawh thu a sawi.

Mötley Crüe hian kum 2015 khan 'The Final Tour' an nei a, hemi hnu hian a band ang zawngin an zai ho tawh lo a ni. Hmanni lawk khan an drummer Tommy Lee chuan nakkum March thla­ah a album thar a tlangzarh dawn thu a sawi thung.

Lee-a leh bandmate Vince Neil, Nikki Sixx leh Mick Mars-te chuan nikum khan hla pali an tichhuak tho a ni. Mötley Crüe hian No­vember 29-ah an studio album pangana 'Dr. Feelgood' kum 30 tlinna an lawm dawn a, hemi atan hian CD, LP delux an tichhuak dawn a ni.