Mandy Moore-i'n North America-ah tour nei dawn

American singer leh actress ni bawk Mandy Moore chuan hun rei tak music a chawlhsan hnuah, nakkumah North America-ah tour a nei dawn tih a sawi.

"Kum 10 chuang music ka chawlhsan ve ta reng mai, tunah chuan music huanga zuanglut turin ka inpeih leh ta. Ka tour neih tur hi ka phur tawh takzet a ni," tiin rimawi khawvela in­lan chho leh mek Moore chuan a sawi a ni.

Mandy Moore hian stu­dio al­bum pathum a nei tawh a, kumin kum tir aṭang khan a album palina tur a buaipui ṭan leh a, he al­bum-a mi tur 'When I Wasn't Wat­ching' hla chu September thla kan a video nen a ti­chhuak tawh bawk.

Kumin kum tir khan Moore hian Record label Verve Forecast con­­t­ract a ziahpui a, a album tih­chhuah tum hi a buaipui hun chhung pawh a rei a, fan lam pawhin an nghakhlel hle.