Chuai hlei thei lo Lady Gaga 'Bad Romance'

Kum 2009 daih tawha tihchhuah ni mah se, Lady Gaga chuan a music video hit tak mai hi tun thlengin a la hlawhtlinpui. 'Bad Romance' vang hian dai ngai loh ram a dai a, a vawi khat nan YouTube-ah viewer tluklehdingawn khat a nei tling a ni.

 

American pop star hian tun hmain hetiang zat viewer hi a la nei ngai lo va, tun hnaiah khan record thar hi a rawn siam ta a ni. 'Bad Romance' hi November 24 khan YouTube-ah upload niin, mi 1,003,542,400 chuang zetin an en tawh a ni. 

Lady Gaga hi tun hnaiah nasa takin a rawn invawrh chho leh a, mipui ngaihven ber pakhat a ni leh der tawh. 'A Star Is Born' avangin mipui ngainat a hlawh a, he film original sound track 'Shallow' chu Golden Globes Award a lakpui hial a ni.