
Vanapa Hall-ah Vulmawi band 'Golden Jubilee' concert

Kum 1980 bawr chhoa Mizo ten Rock band kan neih ṭhat ber ni ṭhin, tunlai thleng pawha an hla leh rimawi mi tam tak ngainat la ni thei, Vulmawi band chuan an band kum 50-na, Golden Jubilee lawmna chu Vanapa Hall-ah zanin hian concert neiin an lawm dawn.
Vulmawi band hi 1976 a din a ni a, Mizoram hmun hrang hrangah concert-te neiin mipuiin an hlut ṭhin hle. Kum 1983 khan eizawnna leh thil dang avangin Mizoram bakah ram pawnah te an awm darh hlawm a, tunah hian band original member zingah Buta, Lalruanga, Dr. Tawnenga leh Siama te an la dam a, kum 40 chuang an zai ho tawh loh hnuah zanin hian mipui hmaah an ding leh dawn a, a phurawm tawh hle.
Band Golden Jubilee lawmnaah hian USA lama Vulmawi GANG pawh an lo kal. Zaithiam kan neih ṭhat tak tak - Siampuii Ralte, Zorinzuali Khiangte, Jaui, Rachel-i, Deborah VL Hmangaihi, Ruatpuii, Zaii Hauchhum, Kimkima, Youngfella leh HOM ten zaninah Vulmawi hla an rawn sa dawn a, Vulmawi original member la damte an perform bawk ang. Ticket hi nimin tlai khan offline leh online hi sold out a ni tawh.