Zaninah Praise On Top 10 intihsiakna ṭan dawn

Synod Information & Publicity (Synfo) leh Central Kristian Ṭhalai Pawl (CKṬP) ṭangkawpin a buatsaih, Malzai intihsiakna Praise On 2026 chu a hmawr bawk lam hnaih zelin zanin hian Top 10 intihsiak zan khatna ṭan a ni dawn. Top 10 te hian zan hnih chhung, zanin leh naktuk zan hian Youth Recreation Centre, Falkland-ah host Eunik Lalnunfel kaihhruainain intihsiakna an hmachhawn dawn a ni.

Top 10 intihsiak zan hnihna hi Grand Finale a ni nghal dawn a, round dang in elna awm tawh loin Top 3 thlangin, an zing aṭangin winner puan a ni ang. Top 10 te hi hla pahnih hmangin an inel dawn a, zan hnihah hian contestant ten hla pakhat ve ve live music hmangin an rawn sa dawn a ni. Tunge Praise On winner thar kan hre thei thuai dawn.

Praise On intihsiakna kaltlang hian Gospel artist ṭha tak tak, Zoram dung leh vanga thawm lian tak tak nei kan lo hmu tawh ṭhin a, 2026 season kaltlang pawh hian artist ṭha tak kan neih belh leh ngei dawn tih a chiang.