
Vawiinah nghahhlelh hlawh GTA VI tlangzarh dawn
Kumina game chhuak tur zingah nghahhlelh hlawh ber tia chhal ngam, kum 13 chhung teh meuh siamna atana hman, Rockstar Games kutchhuak 'Grand Theft Auto VI' chu vawiinah tlangzarh a ni dawn ta. He game hi India, US, UK, Australia leh Japan-ah an ram huna nizan zanlai aṭang khan lei theiha chhawp chhuah nghal a ni.
He games nghahhlelh hlawh tak hi PlayStation 5 leh Xbox Series XṬS platform-ahte pre-order tihna aṭangin order mtd 14.94 a nei tling thei a, hemi aṭang ringawt pawh hian sum USD tld 1.45 pre-launch revenue a nei tling thei nghal.
India bikah GTA 6 Standard edition hi PlayStation store aṭangin Rs 5,999-in lei theih a ni dawn a, hetih laiin Ultimate Edition erawh Rs 7,499 a ni dawn thung. India market a lei theihna zat hi major market zinga a tlawmna ber a ni. Analytic firm Newzoo thlirlawk danin GTA 6 hian tihchhuah karah copy mtd 37 aṭanga 51 bawr hralh a nih rin a ni a, hemi aṭang hian USD tld 3.25 - 5.2 revenue a hmu chhuak thei dawn a ni.