
YG Entertainment artist list aṭangin BLACKPINK paih
K-Pop girl group zinga thawm nei lian, BLACKPINK chu an rawn chawr chhuahna YG Entertainment-in an hnuaia artist, exclusive contract nei list an tihchhuahah an telh ve tawh lo. Mahse, agency lam hian an tel ve tawh loh chhan tarlang nghalin member palite chuan group anga kal loin, solo a kal an duh tawh zawk vang niin an tarlang.
BLACKPINK hian kum 2016 khan YG Entertainment hnuai aṭang hian quartet in an debut a, kum 2023 December khan group anga agency hnuaia hma la zui thei turin contract pawh an tithar nghe nghe. Mahse, group member-te hian an solo career atan a hrangin contract an ziak tel ve tho bawk a ni.
Group member pali zinga pathum Jennie, Jisoo leh Lisa-te hian an mahni din management agency Odd Atelier, Blissoo leh Lloud-te hnuaiah ṭheuh solo act hi an kalpui zui a, hetih laiin Rosé erawh YG agency producer ṭhin Teddy agency din, 'The Black Label' zawmin solo career hi a kalpui ve thung.