Phoebe Bridgers-i'n 'Lost Tour' pawtsei

American singer-songwriter Phoebe Bridgers chuan, North America-a 'Lost Tour' a neih chu nakkum kumtir lamah show 25 a neih belh dawn. Show neih belh tur 25 zinga pahnih chu nakkum April 10 leh 17-a Coachella festival-a a perform na tur a ni. Show dang 23 chu February 17-a Portland-a MODA Center-ah neih ṭan a ni dawn a, May 13-ah Mexico City-a Palacio de los Deportes-ah a tawp khar a ni ang.

Mexico-ah show a neih tur bakah, Canada, Montreal, Ottawa, Edmonton, Hamilton leh Winnipeg-ah te concert vawi nga a nei dawn bawk. U.S. ah Miami, Orlando, Tampa, San Antonio, Newark, Baltimore, Cleveland, Spokane, Kansas City, Oklahoma City, Lincoln, Grand Rapids, Raleigh leh State College-ah te a perform bawk dawn a ni. February thlaa a chenna continent-a a kir hmain Europe-ah a perform dawn a, November thla tawp aṭanga December thla laihawl thleng show a nei dawn a ni.